True value Media: True value Media: True value Media: MSIMAMO MEDIA ...

True value Media: Tru

True value Media: True value Media: True value Media: MSIMAMO MEDIA .

Matukio haya na yale sambamba na habari/picha za ziada za Globu ya Jamii

Tuesday, March 15, 2016

Maboresho ya Uwanja wa Uhuru yanaendelea vizuri na kuridhisha

Kaimu Mkurugenzi wa Maendeleo ya Michezo Makoye Alex Nkenyenge akielekeza



jambo kuhusu wavu uliowekwa kwa ajili ya kuzuia mashabiki wasirukie na kuharibu



miundombinu katika maeneo ya vyoo vya uwanja wa Uhuru jana wakati wa kikao cha



ukaguzi wa maendeleo ya ujenzi wa uwanja huo.  

Msanifu wa Majengo na mbunifu wa Mchoro wa Uwanja wa Taifa Aloyce Peter Mushi



akifafanua jambo wakati wa kikao cha ukaguzi wa maendeleo ya ujenzi wa uwanja huo jana



jijini Dar es Salaam. Kutoka kushoto ni Mkuu wa Kitengo cha Ununuzi na Ugavi Bibi.



Cecilia Kasongo, Mhandisi wa Uwanja wa Taifa Yusuf, Kaimu Mkurugenzi wa Maendeleo ya



Michezo Makoye Alex Nkenyenge, Muhandisi wa mradi wa ujenzi wa uwanja wa Uhuru E.



Mwamakunga na Meneja wa Uwanja wa Taifa Rish Urio.

Meneja wa Ujenzi wa Kampuni ya BCEG inayojenga uwanja wa Uhuru Zhang Jiawei



akifafanua jambo wakati wa kikao cha ukaguzi wa maendeleo ya ujenzi wa uwanja huo jana



jijini Dar es Salaam. Kutoka kushoto ni Kaimu Mkurugenzi wa Maendeleo ya Michezo



Makoye Alex Nkenyenge, Meneja wa Uwanja wa Taifa Rish Urio, Msanifu wa Majengo na



mbunifu wa Mchoro wa Uwanja wa Taifa Aloyce Peter Mushi Muhandisi wa mradi wa ujenzi



wa uwanja wa Uhuru E. Mwamakunga.

Wajumbe wa kikao cha kukagua na kutathmini maendeleo ya ujenzi wa Uwanja wa



Uhuru wakikagua miunndombinu ya majitaka inayoendelea kujengwa katika uwanja wa



Uhuru jana jijini Dar es Salaam. 

 

Meneja wa Uwanja wa Taifa Rish Urio(mwenye suti nyeusi) akielezea jambo wakati wa



kikao cha ukaguzi wa maendeleo ya ujenzi wa uwanja wa Uhuru jana jijini Dar es Salaam. 

 

Muonekano wa nje wa Uwanja wa Uhuru.



Picha na Ismail Mang'ola

Monday, March 14, 2016

NAIBU WAZIRI WA AFYA DKT KIGWANGALLA AZINDUA KONGAMANO LA TATU LA WANASAYANSI WA UGONJWA WA KISUKARI LEO JIJINI DAR

Naibu



Waziri wa Afya, Dkt Hamisi Kigwangalla katika ufunguzi wa Kongamano la

tatu la Kisanyansi na Utafiti wa ugonjwa wa kisukari Africa,

lililozinduliwa leo katika ukumbi wa Mwalimu Julius Nyerere

(JNICC),Kongamano hilo ambalo litamalizika tarehe 16 March 2016,

linaendeshwa na Asasi inayojihusisha na Masuala ya Ugonjwa wa kisukari

Afika Mashariki na Kusini,asasi inayojulikana kama (EADSG) The Eafrica

diabetes study group.Asas hii ilianzishwa mwaka 2011 ili kuhamasisha

jamii kuhusu ugonjwa huo na kuutafiti pamoja na kutafuta tiba.Kushoto

kwake ni Mratibu wa Kongamano hilo Doctor Kaushik Ramaiya,na baadhi ya

wageni kutoka Mfuko wa kusaidia Kisukari Duniani (NCD Symposium),kutoka

Denmark.

 


Kongamano la tatu la Wanasanyansi wa ugonjwa wa kisukari limezinduliwa leo na Naibu Waziri wa Afya, Dkt Hamisi Kigwangalla katika ukumbi wa Mwalimu Nyerere (JNICC)

Kongamano hilo ambalo litamalizika tarehe 16 March 2016, linaendeshwa na Asasi inayojihusisha na Masuala ya Ugonjwa wa kisukari Afika Mashariki,asasi inayojulikana kama (EADSG) The Eafrica diabetes study group.Asas hii ilianzishwa mwaka 2011 ili kuhamasisha jamii kuhusu ugonjwa huo na kuutafiti pamoja na kutafuta tiba.

Akiongea na waandishi wa Habari, Mratibu wa Kongamano hilo Doctor Kaushik Ramalya, Kongamano hilo limekaribisha wageni kutoka nchi nyingine za Afrika ya Mashariki na kusini kushiriki katika majadiliano na uchunguzi huo wa Kisayansi, ikiwa ni pamoja na kubadilishana uzoefu wa namana ya kutua matatizo yatokanayo na ugonjwa huo.

Alisema kongamano hilo ambalo linahusisha East African Diabetes study Group (EADSG) kwa kushirikiana na Wizara ya Afya, Maendeleo ya Jamii, Jinsia, Wazee na Watoto, litafuatiwa na mkutano Maalum wa wadau wa kisukari duniani utakaofanyika, Machi 17 hadi 18 2016 katika ukumbi huo huo wa Kimataifa wa Julius Nyerere Convention Centre jijini Dar Es Salaam, Tanzania.

Mkutano huo ulioandaliwa na Mfuko wa kusaidia Kisukari Duniani (NCD Symposium),kutoka Denmark kwa kushirikiana na Wizara ya Afya, Maendeleo ya Jamii, Jinsia wazee na Watoto nchini Tanzania, pamoja na Shirika la Afya Duniani Ofisi za Mikoa kwa Afrika pamoja na Shirikisho la Kisukari duniani utajadili mambo mbali kuhusu namna ya kusaidia wagonjwa wa ishio na Kisukari kwa kuwa gharama zake ni kubwa mno.

Mikutano hiyo miwili inalenga kutatua tatizo kubwa la Kisukari linalooendela kukua barani Afrika kwa sasa ambalo limeonekana kukua mara tatu zaidi ndani ya miaka mitano iliyopita.

Dk. Kaushik alisema kuwa, mbali na mjadala wa uchunguzi wa kisayansi, Mambo mengine yatakayo jadiliwa ni pamoja na

• Kuongezeka kwa ugonjwa wa kisukari katika nchi zinazoendelea, na lengo hasa juu Africa na namna ya kutatua matatizo yatokanayo.

• Kujadili kuhusu mzigo wa kijamii na kiuchumi unaotokana na watu wenye ugonjwa wa kisukari , familia zao na jamii kwa ujumla.

• Umuhimu wa kutafuta ufumbuzi wa Ugonjwa huu.

• Taarifa za uchunguzi za wataalam ngazi za mkoa.

Aidha utafiti uliotolewa hivi karibuni umeonyesha kuwa katika kila sekunde sita mtu mmoja hufa kutokana na ugonjwa wa kisukari ( vifo zaidi ya milioni 5.0 hutokea duniani)

- Mmoja katika watu wazima 11 ana ugonjwa wa kisukari ( watu milioni 415 duniani kote wanaishina Kisukari)

- Moja katika vizazi saba, huadhirika na ugonjwa wa kisukari katika kipindi cha ujauzito na kujifungua.

- Robo tatu (75%) ya watu wenye ugonjwa wa kisukari wanaishi katika nchi chini na kipato cha kati.

- Zaidi ya watu wazima wengi wanakufa kutokana na ugonjwa wa kisukari kuliko kutokana na VVU / UKIMWI, kifua kikuu na hata malaria.

- wastani wa milioni 14.2 watu wazima wenye umri kati ya 20-79 wana ugonjwa wa kisukari katika Kanda ya Afrika.

- Afrika inaongoza kwa wagonjwa wa kisukari ambao haujatambuliwa, kutokana na kutocheki afya zao; zaidi ya 66.7 % ya watu wenye ugonjwa wa kisukari hawajui kuwa wana ugonjwa wa kisukari.

- Mtu na kisukari aina ya 2 (Type 2 Diabetes) anaweza kuishi kwa miaka kadhaa bila kuonyesha dalili yoyote, madhara yanayoweza kujitokeza ni pamoja na ugonjwa wa figo , moyo kushindwa kufanya kazi, ugonjwa wa jicho na kusababisha upofu na matatizo ya mguu na kusababisha ulema.

- Mataifa ya Afrika kwa idadi kubwa ya watu wenye ugonjwa wa kisukari ni pamoja na Afrika Kusini (2.3 milioni ), Jamhuri ya Kidemokrasia ya Kongo (1.8 milioni ) , Nigeria ( milioni 1.6 ) na Ethiopia (1.3 milioni).

SHULE YA MSINGI MBAGALA MAJIMATITU YACHIMBIWA VISIMA VYA MAJI.

Msimamizi wa

mradi wa uchimbaji wa visima vya maji katika Shule ya Msingi Mbagala majimatitu

kutoka DAWASA Muhandisi Abel Chibelela akiangalia maendeleo ya kisima kimoja

kati ya viwili vinavyochimbwa na Wakala wa Uchimbaji wa Visima na Mabwawa

(DDCA) katika shule hiyo kwa gharama ya shilingi milioni 24.5.

Wataalam

kutoka Wakala wa Uchimbaji wa Visima na Mabwawa (DDCA) wakiendelea kuchimba

kisima chenye urefu wa mita 130 katika shule ya Msingi Mbagala majimatitu,

Temeke jijini Dar es salaam. Msimamizi

wa mradi wa uchimbaji wa visima vya maji katika Shule ya Msingi Mbagala

majimatitu kutoka DAWASA Muhandisi Abel Chibelela na Mhandisi Elizabeth Kingu, Katibu

Tawala Msaidizi Huduma za Maji (kushoto) wakiangalia maendeleo ya moja ya

kisima kinavyochimbwa na Wakala wa Uchimbaji wa Visima na Mabwawa (DDCA) katika

shule hiyo kwa gharama ya shilingi milioni 24.5.

Na. Ismail Mang'ola –Dar es salaam.

Walimu na

wanafunzi wa Shule ya Msingi Mbagala Majimatitu iliyoko Temeke jijini Dar es

salaam watanufaika na huduma ya maji safi kufuatia Serikali kutoa kiasi cha

shilingi milioni 24.5 kwa lengo la kufanikisha mradi wa uchimbaji wa visima

viwili kwa lengo la kuboresha taaluma na mazingira ya shule hiyo.

Akizungumzia

uchimbaji wa visima hivyo leo jijini Dar es salaam msimamizi wa mradi huo kutoka Mamlaka ya Maji Safi

na Maji Taka (DAWASA) Muhandisi Abel Chibelela amesema kuwa kuchimbwa kwa

visima hivyo ni utekelezaji wa agizo la Serikali kuitaka DAWASA kutafuta vyanzo

vya maji katika shule hiyo ili kuwaondolea adha ya uhaba wa Maji.

Amesema shule

hiyo imekuwa na tatizo hilo kufuatia kuwa na idadi kubwa ya wanafunzi wapatao 6000

inayozidi uwezo wa miundombinu iliyopo sasa ikiwemo kisima kinachotumiwa na

wanafunzi hao kinachozalisha lita 8000 kwa siku wakati mahitaji halisi ya maji ni

Lita 40,000 kwa siku.

Amesema

Mamlaka ya Maji Safi na Maji Taka (DAWASA) kupitia Wakala wa Uchimbaji wa Visima

na Mabwawa ( DDCA) ilipewa jukumu la kuchimba visima viwili  vya shule hiyo kwa thamani ya shilingi

milioni 24.5 zikiwa ni gharama za uchimbaji, usafishaji wa visima hivyo na

gharama za vipimo vya maabara ili kuangalia ubora wa maji hayo.

" Kazi ya

uchimbaji wa visima hivi vyenye urefu wa mita 130 na 140 imeanza rasmi na

itachukua siku 14, tunafanya haraka ili tuweze kujua wingi wa maji yaliyopo na

ubora wake kama inafaa kwa matumizi ya binadamu"

Pia amesema

DAWASA itasimamia ujenzi wa minara mirefu ya matenki na kuongeza matenki

makubwa yatakayokidhi mahitaji ya shule hiyo yenye uwezo wa kuhifadhi maji lita

20 kwa kila shule.

Kwa upande

wake Mtaalamu kutoka Wakala wa Uchimbaji wa Visima na Mabwawa (DDCA) ambayo

ndiyo iliyopewa jukumu la kuchimba visima hivyo na DAWASA Bw. Nungwe Gwaga

akizungumzia uchimbaji wa visima hivyo amesema kuwa wao kama wataalam wa

kuchimba visima walifanya utafiti katika eneo hilo na kujiridhisha kuwa eneo la

shule ya Msingi Mbagala Maji Matitu lina Maji ya kutosha.

" Sisi

kama wataalam tulifanya utafiti (Physical Survey) katika eneo hili ili kujua

kama kuna maji na miamba inayopita pale pamoja na umbali wake, sisi

tumejiridhisha tutachimba mita 130 ambazo tayari zimetupa majibu ya kuwepo kwa

Maji "

Mwalimu Mkuu wa

Shule hiyo Bw. Abdul Mgomi akifafanua kuhusu visima hivyo amesema vitawezesha shule

yake kuondokana na adha ya uhaba wa huduma ya maji inayowakabili wanafunzi

shuleni hapo kufuatia mwitikio wa wazazi kuwaandikisha watoto wao shuleni hapo

kwa mwaka 2016.

Amesema kwa

sasa shule hiyo inatumia kisima kidogo chenye uwezo wa kuzalisha lita 8000 kwa

siku ikilinganishwa na mahitaji halisi ya lita 32000 kwa wanafunzi 6000

wanaosoma shuleni hapo.

Mwalimu Mgomi

ameshukuru jitihada zilizofanywa na viongozi wa mkoa wa Dar es salaam wakiongozwa

na aliyekuwa Mkuu wa mkoa huo Mhe. Said Mecki Sadiki kwa kuwezesha upatikanaji

wa fedha za kuchimbia visima hivyo.

Ameeleza kuwa

mara baada ya visima hivyo kukamilika

uongozi wa shule utaweka utaratibu wa matumizi ya maji hayo kwa shule na

ziada itakayopatikana na maji itauzwa kwa majirani wanaoishi kuzunguka shule

hiyo ili mradi uweze kujiendesha wenyewe.

Aidha, amesema

Serikali kwa kushirikiana na wadau mbalimbali inaendelea kuifanyia kazi

changamoto ya uhaba wa vyumba vya madarasa shuleni hapo kwa kujenga mapya 10 ili

kukidhi mahitaji ya wanafunzi 6000 waliopo shuleni hapo pamoja na ujenzi wa shule

nyingine 2 zitakazoondoa kabisa tatizo la mrundikano wa wanafunzi.

Naye mmoja wa

Wazazi na Mjumbe wa Kamati ya Miradi ya shule hiyo Bi.Happiness Mgulambwa

akizungumza katika eneo vinapochimbwa visima hivyo ameishukuru Serikali kwa

kusikia kilio cha wazazi na wanafunzi hao kwa kuamua kuwachimbia visima hivyo

huku akiongeza  kuwa upatikanaji wa

huduma ya maji shuleni hapo utaongeza ufanisi kwa walimu na wanafunzi.

Amesema wao

kama Wazazi kupitia kamati ya miradi ya shule hiyo waliiomba Serikali kuwasaidia

kupata maji kwa wanafunzi shule hiyo  ili

kuondoa kero ya maji jambo ambalo lilikubaliwa.

" Kweli

wanafunzi wa shule hii walikua wanapata shida,uhaba wa maji hapa shuleni

uliwalazimu kuja na maji kwenye madumu jambo liliowafanya wakati mwingine

kufika wamechoka na hata kuchafuka, tunaishukuru sana Serikali yetu ya awamu ya

tano kwa kutusaidia" Amesema Bi.Mgulambwa. 

MIWISHO.

MRATIBU WA MASHIRIKA YA UMOJA WA MATAIFA HAPA NCHINI AMTEMBELEA WAZIRI WA MAMBO YA NDANI YA NCHI.

 Mwakilishi Mkazi wa Shirika la Umoja wa Mataifa la Mpango wa Maendeleo ambaye pia ni Mratibu wa Mashirika ya Umoja wa Mataifa hapa nchini Bw. Alvaro Rodriguez akimweleza Waziri wa Mambo ya Ndani ya Nchi nia ya Mashirika hayo ya kuisaidia Wizara ya Mambo ya Ndani ya Nchi katika masuala mbalimbali. Bw. Rodrequez alimtembelea Mhe. Kitwanga ofisini kwake leo. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.

 Waziri wa Mambo ya Ndani ya Nchi Mhe. Charles Kitwanga akimwelezea  Mratibu wa Mashirika ya Umoja wa Mataifa (UN) hapa nchini Bw. Alvaro Rodriguez (katikati) mipango ya Wizara yake ambayo inaweza kusaidiwa na Mashirika ya Umoja wa Mataifa hapa nchini. Bwana Rodriguez alimtembelea Mhe. Kitwanga ofisini kwake leo kuelezea nia ya Mashirika hayo ya kuisaidia Wizara ya Mambo ya Ndani ya Nchi. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.

 Mwakilishi Mkazi wa Shirika la Umoja wa Mataifa la Mpango wa Maendeleo ambaye pia ni Mratibu wa Mashirika ya Umoja wa Mataifa hapa nchini Bw. Alvaro Rodriguez akimwonyesha Waziri wa Mambo ya Ndani ya Nchi Mhe. Charles Kitwanga mojawapo ya makabrasha ya Mashirika hayo yenye mipango ya maendeleo ya kuisaidia Tanzania. Bw. Rodriguez alimtembelea Mhe. Kitwanga ofisini kwake kuelezea nia ya Mashirika ya Umoja wa Mataifa ya kuisaidia Wizara ya Mambo ya Ndani ya Nchi katika kutekeleza baadhi ya majukumu yake. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.

 Waziri wa Mambo ya Ndani ya Nchi, Mhe. Charles Kitwanga akisisitiza jambo kuhusiana nia ya Mashirika ya Umoja wa Mataifa ya kuisaidia Wizara yake. Katikati ni Mratibu wa Mashirika ya Umoja wa Mataifa yaliyoko hapa nchini Bw. Alvaro Rodriguez aliyemtembelea Mhe. Kitwanga ofisini kwake leo kuelezea nia ya Mashirika hayo ya kuisaidia Wizara ya Mambo ya Ndani ya Nchi. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude.

Waziri wa Mambo ya Ndani ya Nchi Mhe. Charles Kitwanga akimshukuru Mratibu wa Mashirika ya Umoja wa Mataifa yaliyoko hapa nchini Bw. Alvaro Rodrigues kwa kueleza nia ya Mashirika hayo kutaka kuisaidia Wizara ya Mambo ya Ndani ya Nchi. Bw. Rodrequez alimtembelea Mhe. Kitwanga ofisini kwake leo. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.

(PICHA ZOTE NA KITENGO CHA MAWASILIANO YA SERIKALI– WIZARA YA MAMBO YA NDANI YA NCHI).

 

e value Media: True value Media: